Ieme gatjálvisá

Dánna gávnnuji vásstádusá sademus gatjálvisájda Jåhkåmåhke márnána birra. Jus la dujna sahte ájádusá jali gatjálvisá ma älla dánna vássteduvvam, de máhtá agev aktavuodav válldet márnánkontåvråjn.

Goassa ásaduvvá Jåhkåmåhke márnána?
Dålusj árbbedábe milta álggá agev márnán guovvamáno vuostasj duorastagá, ja bissu gålmån jánndurin. Márnána 2025 ásaduvvi guovvamáno gudát biejves gitta gávtsát bäjvváj. Valla gávnnuji umass evenemáŋga ja birraevenemáŋga ålles márnánvahkon.

Galla biejve li Jåhkåmåhke márnána?
Stuorra márnána gájkka vuobddemij, umass dagoj ja evenemáŋgaj li gålmåjn biejvijn; duorastagá, bierjjedagá ja lávvodagá.

Máksá gus márnánin mannat?
Ij, dat la mávso dagi mannat márnánbájken. Valla hähttu mákset umass birra evenemáŋgajt márnánvahkon, buojkulvissan lågådallama, konserta ja sjimugis evenemáŋga. Hadde ja besalvisdiedo birra evenemáŋgajda gávnnuji márnánprográmman.

Goassa l márnánprográmma gárves?
Mij biedjagoahtep prográmmatjuoggájt webbaj gå li gárvvasa. Prinntidumprográmma bruvkku årrot rádjamláhkáj javllamánon.

Gånnå gávnav prinntidum márnánprográmmav?
Máhtá diŋŋgot dássta: Jåhkåmåhke Diehtoguovdásj (Jokkmokks Infocenter), telefåvnnå 0971-222 50 jali e-påvsstå: infocenter@jokkmokk.se. Máhttá aj viedtjat dav gájkka turissmadåjmadagájs Norrbottenin.

Man tjoaskes bruvkku årrot Jåhkåmåhke márnánijn?
Jåhkåmåhke márnána li dálven, danen máhttá årrot riek tjoaskes. 2012 lij -40°C, ja nágin jage maŋŋela lij plussagráda – temperatuvrra målssu. Gehtja dálkkediedojt åvddål márnána álggi, ja vállji biktasijt dálke milta.

Gåk galggá gárvvunit vaj bierggi tjoasskemij?
Buorre ålgoldisbiktasa, ja ájnas adnet liegga gábmagijt, gáhperav ja rahpugijt/fáhtsajt. Gárvvuna måttijn gierdijn. Jus goallu de gávnnuji moadda liegga saje vuobddemijn, vuosádusájn, biebmujn ja iehtjádijn gånnå máhtá mannat.

Gåk vuolggá Jåhkåmåhkkåj?
Máhttá háledit Julevuj jali Jiellevárráj ja dassta bussajn jali lájggobijlajn. Tåga manná Muorjegij (gaskan Suddasa ja Jielleváre) dassta manná lánsväddjabussa Jåhkåmåhkkåj hiebadum ájgij tågajda. Miehttseruovdderahten li ietjas diŋgodum mannulagá.

Gånnå máhtáv besalvisájt oasstet umass vuosedimijda?
Ij gávnnu dálla guovddelis diŋŋgomkontåvrrå besalvisáj hárráj. Lågå prográmman makkár åvddåloasstemsadje mij guosská umass vuosedibmáj.

Galla manne båhti Jåhkåmåhke márnánijda?
Dábálasj jahke båhti 40.000-45.000 manne gålmån márnánbiejven. Márnána 2024 båhtin 48.600 manne. Statistijkka l dagádum Trafikverka fordonmihttimij. Jus la ruossten de li binnáp manne. Jåhkåmåhken årru bájken 3000 viesájdiddje.

Gåsis máhtáv bijlav bisádit? Majt máksá? Gávnnuk sáhtusbisádahka?
Gávnnuji moadda bisádagá Industriddjabájken lahka sisiboahtem, gäjnno 97. Tjuovo gálbbidimev ma gávnnuji gájkka sisiboahtemijn. Bisádakviehkediddje gávnnuji aj dajn. Mákso manná njuolgga ideellalasj siebrijda. Sihtap dij tjuovvobihtit gájkka bisádak- ja ganudimbuorgojt Jåhkåmåhke sebrudagán. Da gávnnuji vaj trafijkka galggá buoragit doajmmat.
Bussabisádahka diŋŋgodum bussajda gávnnu iehtjádij siegen Lulleskåvlå tjiektjamsjaljon, valla gå muhtem oasse aneduvvá bijllabisádahkan skåvlå barggijs máhttá gávnnut ietjá saje bussajda. Gatjáda Diehtoguovdátjis.
Gávnnuji muhtem guovddelis sáhtusbisádagá. Válde aktavuodav Diehtoguovdátjijn márnánvahko álgo ienep diedo hárráj gånnå da gávnnuji.

Máhtáv gus motåvrrålieggijiddjev lájggit?
I, ij gávnnu motåvrrålieggijiddjelájggim bisádaksajijda.